עברית
ד וַיֹּאמֶר יְהֹוָה אֶל־מֹשֶׁה הִנְנִי מַמְטִיר לָכֶם לֶחֶם מִן־הַשָּׁמַיִם וְיָצָא הָעָם וְלָקְטוּ דְּבַר־יוֹם בְּיוֹמוֹ לְמַעַן אֲנַסֶּנּוּ הֲיֵלֵךְ בְּתוֹרָתִי אִם־לֹא: ה וְהָיָה בַּיּוֹם הַשִּׁישִׁי וְהֵכִינוּ אֵת אֲשֶׁר־יָבִיאוּ וְהָיָה מִשְׁנֶה עַל אֲשֶׁר־יִלְקְטוּ יוֹם יוֹם: ו וַיֹּאמֶר מֹשֶׁה וְאַהֲרֹן אֶל־כָּל־בְּנֵי יִשְׂרָאֵל עֶרֶב וִידַעְתֶּם כִּי יְהֹוָה הוֹצִיא אֶתְכֶם מֵאֶרֶץ מִצְרָיִם: ז וּבֹקֶר וּרְאִיתֶם אֶת־כְּבוֹד יְהֹוָה בְּשָׁמְעוֹ אֶת־תְּלֻנֹּתֵיכֶם עַל־יְהֹוָה וְנַחְנוּ מָה כִּי תַלִּינוּ עָלֵינוּ: ח וַיֹּאמֶר מֹשֶׁה בְּתֵת יְהֹוָה לָכֶם בָּעֶרֶב בָּשָׂר לֶאֱכֹל וְלֶחֶם בַּבֹּקֶר לִשְׂבֹּעַ בִּשְׁמֹעַ יְהֹוָה אֶת־תְּלֻנֹּתֵיכֶם אֲשֶׁר־אַתֶּם מַלִּינִם עָלָיו וְנַחְנוּ מָה לֹא־עָלֵינוּ תְלֻנֹּתֵיכֶם כִּי עַל־יְהֹוָה: ט וַיֹּאמֶר מֹשֶׁה אֶל־אַהֲרֹן אֱמֹר אֶל־כָּל־עֲדַת בְּנֵי יִשְׂרָאֵל קִרְבוּ לִפְנֵי יְהֹוָה כִּי שָׁמַע אֵת תְּלֻנֹּתֵיכֶם: י וַיְהִי כְּדַבֵּר אַהֲרֹן אֶל־כָּל־עֲדַת בְּנֵי יִשְׂרָאֵל וַיִּפְנוּ אֶל־הַמִּדְבָּר וְהִנֵּה כְּבוֹד יְהֹוָה נִרְאָה בֶּעָנָן: יא וַיְדַבֵּר יְהֹוָה אֶל־מֹשֶׁה לֵּאמֹר: יב שָׁמַעְתִּי אֶת־תְּלֻנֹּת בְּנֵי יִשְׂרָאֵל דַּבֵּר אֲלֵיהֶם לֵּאמֹr בֵּין הָעַרְבַּיִם תֹּאכְלוּ בָשָׂר וּבַבֹּקֶר תִּשְׂבְּעוּ־לָחֶם וִידַעְתֶּם כִּי אֲנִי יְהֹוָה אֱלֹהֵיכֶם: יג וַיְהִי בָעֶרֶב וַתַּעַל הַשְּׂלָו וַתְּכַס אֶת־הַמַּחֲנֶה וּבַבֹּקֶר הָיְתָה שִׁכְבַת הַטַּל סָבִיב לַמַּחֲנֶה: יד וַתַּעַל שִׁכְבַת הַטָּל וְהִנֵּה עַל־פְּנֵי הַמִּדְבָּר דַּק מְחֻסְפָּס דַּק כַּכְּפֹר עַל־הָאָרֶץ: טו וַיִּרְאוּ בְנֵי־יִשְׂרָאֵל וַיֹּאמְרוּ אִישׁ אֶל־אָחִיו מָן הוּא כִּי לֹא יָדְעוּ מַה־הוּא וַיֹּאמֶר מֹשֶׁה אֲלֵיהֶם הוּא הַלֶּחֶם אֲשֶׁר נָתַן יְהֹוָה לָכֶם לְאָכְלָה: טז זֶה הַדָּבָר אֲשֶׁר צִוָּה יְהֹוָה לִקְטוּ מִמֶּנּוּ אִישׁ לְפִי אָכְלוֹ עֹמֶר לַגֻּלְגֹּלֶת מִסְפַּר נַפְשֹׁתֵיכֶם אִישׁ לַאֲשֶׁר בְּאָהֳלוֹ תִּקָּחוּ: יז וַיַּעֲשׂוּ־כֵן בְּנֵי יִשְׂרָאֵל וַיִּלְקְטוּ הַמַּרְבֶּה וְהַמַּמְעִיט: יח וַיָּמֹדּוּ בָעֹמֶר וְלֹא הֶעְדִּיף הַמַּרְבֶּה וְהַמַּמְעִיט לֹא הֶחְסִיר אִישׁ לְפִי־אָכְלוֹ לָקָטוּ: יט וַיֹּאמֶר מֹשֶׁה אֲלֵיהֶם אִישׁ אַל־יוֹתֵר מִמֶּנּוּ עַד־בֹּקֶר: כ וְלֹא־שָׁמְעוּ אֶל־מֹשֶׁה וַיּוֹתִרוּ אֲנָשִׁים מִמֶּנּוּ עַד־בֹּקֶר וַיָּרֻם תּוֹלָעִים וַיִּבְאַשׁ וַיִּקְצֹף עֲלֵיהֶם מֹשֶׁה: כא וַיִּלְקְטוּ אֹתוֹ בַּבֹּקֶר בַּבֹּקֶר אִישׁ כְּפִי אָכְלוֹ וְחַם הַשֶּׁמֶשׁ וְנָמָס: כב וַיְהִי בַּיּוֹם הַשִּׁשִּׁי לָקְטוּ לֶחֶם מִשְׁנֶה שְׁנֵי הָעֹמֶר לָאֶחָד וַיָּבֹאוּ כָּל־נְשִׂיאֵי הָעֵדָה וַיַּגִּידוּ לְמֹשֶׁה: כג וַיֹּאמֶר אֲלֵיהֶם הוּא אֲשֶׁר דִּבֶּר יְהֹוָה שַׁבָּתוֹן שַׁבַּת־קֹדֶשׁ לַיהֹוָה מָחָר אֵת אֲשֶׁר־תֹּאפוּ אֵפוּ וְאֵת אֲשֶׁר־תְּבַשְּׁלוּ בַּשֵּׁלוּ וְאֵת כָּל־הָעֹדֵף הַנִּיחוּ לָכֶם לְמִשְׁמֶרֶת עַד־הַבֹּקֶר: כד וַיַּנִּיחוּ אֹתוֹ עַד־הַבֹּקֶר כַּאֲשֶׁר צִוָּה מֹשֶׁה וְלֹא הִבְאִישׁ וְרִמָּה לֹא־הָיְתָה בּוֹ: כה וַיֹּאמֶר מֹשֶׁה אִכְלֻהוּ הַיּוֹם כִּי־שַׁבָּת הַיּוֹם לַיהֹוָה הַיּוֹם לֹא תִמְצָאֻהוּ בַּשָּׂדֶה: כו שֵׁשֶׁת יָמִים תִּלְקְטֻהוּ וּבַיּוֹם הַשְּׁבִיעִי שַׁבָּת לֹא יִהְיֶה־בּוֹ: כז וַיְהִי בַּיּוֹם הַשְּׁבִיעִי יָצְאוּ מִן־הָעָם לִלְקֹט וְלֹא מָצָאוּ: כח וַיֹּאמֶר יְהֹוָה אֶל־מֹשֶׁה עַד־אָנָה מֵאַנְתֶּם לִשְׁמֹר מִצְוֹתַי וְתוֹרֹתָי: כט רְאוּ כִּי־יְהֹוָה נָתַן לָכֶם הַשַּׁבָּת עַל־כֵּן הוּא נֹתֵן לָכֶם בַּיּוֹם הַשִּׁשִּׁי לֶחֶם יוֹמָיִם שְׁבוּ אִישׁ תַּחְתָּיו אַל־יֵצֵא אִישׁ מִמְּקֹמוֹ בַּיּוֹם הַשְּׁבִיעִי: ל וַיִּשְׁבְּתוּ הָעָם בַּיּוֹם הַשְּׁבִיעִי: לא וַיִּקְרְאוּ בֵית־יִשְׂרָאֵל אֶת־שְׁמוֹ מָן וְהוּא כְּזֶרַע גַּד לָבָן וְטַעְמוֹ כְּצַפִּיחִת בִּדְבָשׁ: לב וַיֹּאמֶר מֹשֶׁה זֶה הַדָּבָר אֲשֶׁר צִוָּה יְהֹוָה מְלֹא הָעֹמֶר מִמֶּנּוּ לְמִשְׁמֶרֶת לְדֹרֹתֵיכֶם לְמַעַן יִרְאוּ אֶת־הַלֶּחֶם אֲשֶׁר הֶאֱכַלְתִּי אֶתְכֶם בַּמִּדְבָּר בְּהוֹצִיאִי אֶתְכֶם מֵאֶרֶץ מִצְרָיִם: לג וַיֹּאמֶר מֹשֶׁה אֶל־אַהֲרֹן קַח צִנְצֶנֶת אַחַת וְתֶן־שָׁמָּה מְלֹא־הָעֹמֶר מָן וְהַנַּח אֹתוֹ לִפְנֵי יְהֹוָה לְמִשְׁמֶרֶת לְדֹרֹתֵיכֶם: לד כַּאֲשֶׁר צִוָּה יְהֹוָה אֶל־מֹשֶׁה וַיַּנִּיחֵהוּ אַהֲרֹן לִפְנֵי הָעֵדֻת לְמִשְׁמֶרֶת: לה וּבְנֵי יִשְׂרָאֵל אָכְלוּ אֶת־הַמָּן אַרְבָּעִים שָׁנָה עַד־בֹּאָם אֶל־אֶרֶץ נוֹשָׁבֶת אֶת־הַמָּן אָכְלוּ עַד־בֹּאָם אֶל־קְצֵה אֶרֶץ כְּנָעַן: לו וְהָעֹמֶר עֲשִׂירִית הָאֵיפָה הוּא:
Fonética
(4) Vaiomer A-do-naí el Moshé: hineni mamtir lajem lejem min-hashamaim veiatsá haám velaktu devar-iom beiomó lemáan anasenu haieléj betoratí im-lo. (5) Vehaia baiom hashishí vehejinu et asher-iavìu vehaia mishné al asher-iilketu iom iom. (6) Vaiomer Moshé veaharón el-kol-bené Israél érev vidatém ki A-do-naí hotsí etjém meéretz Mitzráim. (7) Ubóker uritém et-kevód A-do-naí beshomó et-telunotéjem al-A-do-naí venájnu mah ki talínu aléinu. (8) Vaiomer Moshé betét A-do-naí lajém baérev basár leejól veléjem babóker lishbóa bishmóa A-do-naí et-telunotéjem ashér-atém maliním aláv venájnu mah lo-aléinu telunotéjem ki al-A-do-naí. (9) Vaiomer Moshé el-Aharón emór el-kol-adat bené Israél kirvú lifné A-do-naí ki shamá et telunotéjem. (10) Vaihí kedabér Aharón el-kol-adat bené Israél vaifnú el-hamidbár vehiné kevód A-do-naí nirá baanán. (11) Vaidabér A-do-naí el-Moshé lemór. (12) Shamáti et-telunót bené Israél dabér aléijem lemór bein haarbáim tojlu vasár ubabóker tishbeú-lájem vidatém ki aní A-do-naí Elo-héijem. (13) Vaihí vaérev vatáal haseláv vatéjas et-hamajané ubabóker háita shijvát hatál savív lamajané. (14) Vatáal shijvát hatál vehiné al-pené hamidbár dak mejuspás dak kakefór al-haáretz. (15) Vairú vené-Israél vaiomerú ish el-ajív man hu ki lo iadeú mah-hu vaiomer Moshé aléijem hu haléjem ashér natán A-do-naí lajém leojlá. (16) Ze hadavár ashér tzivá A-do-naí liktú miménu ish lefi ojló ómer lagulgóleth mispár nafshotéjem ish laashér beoholó tikáju. (17) Vaiasú-jen bené Israél vailketú hamarbé vehamamít. (18) Vaiamódu baómer veló hedíf hamarbé vehamamít lo hejshír ish lefi-ojló lakátu. (19) Vaiomer Moshé aléijem ish al-iotér miménu ad-bóker. (20) Veló-shameú el-Moshé vaiotirú anashím miménu ad-bóker vairúm tolaím vaivásh vaiktzóf aléijem Moshé. (21) Vailketú otó babóker babóker ish kefí ojló vejám hashémesh venamás. (22) Vaihí baióm hashishí laktú léjem mishné shené haómer laejád vaiavóu kol-nesiéis haedá vaiaguídú le-Moshé. (23) Vaiomer aléijem hu ashér dibér A-do-naí shabatón shabát-kódesh l'A-do-naí majár et ashér-tofu efú veét ashér-tebashlú bashélú veét kol-haodéf haníju lajém lemishméreth ad-habóker. (24) Vaianíju otó ad-habóker kaashér tzivá Moshé veló hiv-ísh verimá lo-háita bo. (25) Vaiomer Moshé ijluhu haióm ki-shabát haióm l'A-do-naí haióm lo timtzaúhu basadé. (26) Shésheth iamím tilketúhu ubaióm hashevií shabát lo ihié-bo. (27) Vaihí baióm hashevií iatzeú min-haám lilkót veló matzáú. (28) Vaiomer A-do-naí el-Moshé ad-ána meantém lishmór mitzvotái vetorotái. (29) Reú ki-A-do-naí natán lajém hashabát al-ken hu notén lajém baióm hashishí léjem iomáim shevú ish tajtáv al-ietzé ish mimkomó baióm hashevií. (30) Vaishbetú haám baióm hashevií. (31) Vaikreú veit-Israél et-shemó man vehú kezéra gad laván vetaamó ketzapíjit bidvásh. (32) Vaiomer Moshé ze hadavár ashér tzivá A-do-naí meló haómer miménu lemishméreth ledorotéijem lemáan iirú et-haléjem ashér hee-jalti etjém bamidbár behotzií etjém meéretz Mitzráim. (33) Vaiomer Moshé el-Aharón kaj tzintzénet eját vetén-sháma meló-haómer man vehanáj otó lifné A-do-naí lemishméreth ledorotéijem. (34) Kaashér tzivá A-do-naí el-Moshé vaianíjehu Aharón lifné haedút lemishméreth. (35) Ubné Israél ojlú et-hamán arbáim shaná ad-boám el-éretz nosháveth et-hamán ojlú ad-boám el-ketzé éretz Kenáan. (36) Vehaómer asiríth haéifa hu.